Stenbaħt għax sar il-ħin.

Stenbaħt għax sar il-ħin, mhux għax qomt kmieni,

U l-ħin ilu li sar għal kemm il-darba,

U ħsibt ukoll li naf ma min kont miexi

U f’daqqa waħda sibtni li ħrabt ħarba.

Qanqiena ddoqq sabiex jien fik niftaħar,

Għax bħaż-żunżan li jirgħa qalb il-wileġ

Infittex bdejt jien l-għasel tal-ispirtu

F’kull għar mudlam, f’kull rokna u bdejt ninfileġ.

Għax int il-baħħ, il-ħoss tal-eżiżtenża,

Għarib għalik innifsek kif għal bqija,

Għidli min int biex dan l-istar inċarrat,

Kull xħin jingħalaq bieb, biex niftaħ mija?

Alfred Grech

18/06/2014