Il-pass li kien imiss.

Il-pass li kien imiss kien għattaparsi,

In-niżla kienet bdiet

U din mhix xi żurżieqa.

Kull ilma jaqta’ l-għatx kien ilma mdardar

Li ħsibtu qtar fl-għajnejn.

Nifsek qawwieni.

Tqanqiliet ruħi, flaġell.

Xewqati tondjaturi

Jew arkati jserrħu t-tempju

Tat-tabernaklu mitbuq tiegħek.

Għajnejk jilgħabu logħoba,

Il-logħoba li llum drajt

U jien bqajt bħal tallab

Imdendel ma kull xifer

F’dak l-intervall ta’ bejn ħarsa u oħra

Nixxabbat mal-irdum li jista’ jtaffi

Is-swat ta’ dil-burdata.

Alfred Grech

25/06/2014