Sokor.

Minflok fl-impulsi nisker

Ta’ temp li ma tbassrux,

Ikolli noqgħod nisma’

Rapport li ma tħassrux.

Li kellu jkun sar s’issa

Sinjal maġenb it-triq,

Inkella kartolina

Imberfla b’lewn id-dieq.

Nemusa ddur ma rasek,

Trumbetta ma widnejk,

Tfittixni qalb il-paġni,

Ta’ ktieb li ġie f’idejk.

Minflok tmewwitli s-sensi,

Bħal xewka qalb il-ward,

Iċċarrat ġrieħi jnixxu,

Tibżax, għax qatt mhu tard.

Alfred Grech

14/06/2014