Kaskati ta’ kurrenti li jġorruna.

Kaskati ta’ kurrenti li jġorruna:

Jien bugħaddas fil qiegħ kull xħin nitlewmu,

Insibu ruħna ngħumu mal-baleni

Inkella maħtufin ġo xi belliegħa,

Għadira tajn li lanqas tirrifletti

L-ikħal tas-sema.

Fid-dlam tal-lejl m’hemm lanqas kewkba tiddi,

Id-diwi nisma’ biss ta’ kliemek aħrax,

Iż-żmien għaddej maħrub bla ma jistenna,

Int sirt l-eternita’ u jien bqajt ħabsi

Għax ħadt għalija.

Alfred Grech