Jekk nitilqek.

Jekk nitilqek, titlaqni

Mingħajr ma tkun doqt l-għasel

Tan-naħal illi jirgħa

Fuq is-sagħtar ta’ xfar l-irdum

Fejn ibejjet il-bies għar-raxx tal-baħar.

Jekk nitilqek titlaqni

Mingħajr ma taf il-għala

Kont ghedtli kelma b’oħra

U jien emmintek

Għax nemmen fis-sbuħija.

Jekk nitilqek titlaqni

Għaliex din kienet il-ġrajja

Li t-tnejn li aħna rajna

Minn qabel il-tarf tagħha.

Alfred Grech

28-02-2014.