Infittxek bejn il-ġwienaħ ta’ xi għanja.

 

Infittxek bejn il-ġwienaħ ta’ xi għanja,

Tvenvin ir-rih fil-liwi ta’ mogħodija,

Tikmix il-blat mikxuf u linji mgħawwġa

F’tal-użinjol il-biki solitarju,

Tal-bewsa li mingħandek qed nistenna,

Li tnaqqas id-distanza ta’ bejnietna.

Imbgħad il-moħħ tal-qalb il-passi jterraq,

Megħluba t-tnejn mill-ħemda ta’ fl-għaxija,

U inti dell fil-bosk ta’ ħsibijieti

Biex f’daqqa waħda nibda ngħannihielek

Tal-baħar l-għanja tbewwes il-ħolm tiegħi,

Tal-kwiekeb tas-smewwiet is-sinfonija

U nintonaw flimkien, il-ħlewwa t’għada.

Alfred Grech

09/01/2013.