F’għajnejk il-kwiekeb jilmaw.

F’għajnejk il-kwiekeb jilmaw ta’ fl-għaxija,

Ħaddejk bħal wardiet ħomor bejn l-imsielet,

Bħal mewġ il-baħar xagħrek, jobrom sieket,

Maż-żiffa riħ li tilgħab bla tissielet.

Xeheda ghasel dawk xuftejk ibewwsu mieles,

U kliemek suffarina tkebbes xema’

Fid dlam ta' qalbi jidwi l-baħħ li tħalli

Kull xħin minn fuq ħaddejja ġġelben demgħa.

Ma nafx x’irrid, għaliex qed tistaqsini?

Kull meta nersaq lejk hemm preċipizzju,

Miżien ta’ dak li nħobb u li hu xieraq,

Xi darba m'hemmx li naqta’ dan il-vizzju.

Alfred Grech

08/01/2014