Mill-ilma matt.

Mill-ilma matt mistħija titla’ x-xemx

U moħħi jibda jegħereq

Fi ħbub għajnejk.

Ġwenħajn tebqet l’għajnejn

Jaħarbu dak li tlissen

U l-folla ħsibijiet bħal masġar ħiemed

Bejn ir-riħan u l-ħsejjes tal-ilma.

Xufftejk magluqa jafu jgħidu

Dwar qlugħ ta’ mingħajr riħ

U xemx li taqli.

Fil-baħar tas-skiet inħossni ngħum

Bħas-silġ jinħall f’wiċċ l-ilma.

Ma jibqax biża’, lanqas għalfejn taħrab

Lil hinn mix-xefaq.

Alfred Grech

26/05/2014