Għajjiena l-weraq.

Għajjiena l-weraq fuq l-irħam tal-qabar,

Għax baqgħet ma telgħetx ix-xemx li ssajjar,

Lil-fewġa ta’ filgħodu lanqas tbissmu

U lanqas ma semgħuħ il kant li jħajjar.

Ma joħolmux in-nida tar-riħ isfel,

U ma jibkux id-dell tas-siġra ’l-kbira,

U lanqas jagħti każ tat-talb tal-ġwejjed,

Warajhom ma jħallux mank biss tifkira.

Sakemm buffura riħ iġġorrhomm magħha,

Surithom folla mdejjqa fl-attitudni,

Il-bogħod kemm jista’ jkun lil hinn mix-xatba

Hemm fejn is skiet jinbidel f’solitudni.

Alfred Grech

30/05/2014