Il-baħar qed jofroħ.

Il-baħar qed jofroħ biex jikxef

Dak kollu li rmejt wara dari,

Il-gawwi fuq blata jitperreċ

U jgħanni l-imħabba ta’ dari.

Kif nagħmel u nitla’ fuq l-għolja,

Imxekkel bil-ktajjen tal-bieraħ

U nirbaħ quċċata war’oħra

U nirbaħ il-folol fl-imsieraħ?

Bil-lejl xegħelt musbieħ biex indawwal,

Imbierek id-dlam ta’ madwari,

Bdejt nimxi ‘l-quddiem nagħmel bħalhom,

U ġrejt wara x-xefaq aħħari.

Iżernaq u nibqa’ nitnikker,

Nistaqsi għandix indur lura,

Jew ngħmel bħax-xemx hi u nieżla,

Nistaħba biex ngħereq fil-ħmura.

Alfred Grech.

19/05/2014