Vjaġġ Tal-Fantasija.

Titjira għal imkien

Fil-vjaġġ ta’ mingħajr mira.

Din qabża għal ġol-abbiss

Jew ħofra f’nofs għadira.

Mogħodija li ma sibtx

U rkibt il-ferrovija,

U b’hekk ma nafx mnejn bdejt

Dal-vjaġġ tal-fantasija.

Attent għall kull aħbar,

Avviż ta sikurezza,

U bqajt bla ma kejjilt

Kemm tiswa’ ftit ċertezza.

Trid torbot ċinturin,

‘Mma l-ħsieb malajr jiżgiċċa,

Jirranka mhux ħażin,

Ma tafx fejn ser tispiċċa.

Alfred Grech

17-04-2014