U xejn ma baqa’ llum.

U xejn ma baqa’ llum

Nibbiet li sar żerriegħa,

Duħħan li jogħola ’l-fuq

Fis-sema tar-rebbiegħa.

Ir-ramel jibqa’ biss,

Li jgħaddi ma subagħaja,

U jibqa’ t-tifkiriet,

Mal-mewġ mitluf fil-bajja.

U jgħib bi-mod il-mod

Mas-sħab ta’ sema safi

Inti issa sirt biss xbiegħa

Quddiemek niġi ħafi.

Dak kollu li kont ktibt

Ir-riħ tal-bidla jferrex,

U jogħola bħad-duħħan

Mas-sema griż u mgerrex.

Alfred Grech

01-04-2013