Il-lejla erġajt imxejt il-passi qodma.

Il-lejla erġajt imxejt il-passi qodma

Ta’ trejqa mingħajr sbokk u bdejt infittex

Taħbit il-qalb bħal dejjem xħin insejthom

F’idejk battala.

Erġajt staqsejt jienix qed noħlom

Fi ħsiebi qishom badla l-inċertezzi,

Kultant insibek tħares bħal tistaqsi

Għajnejk kurjużi.

Imdawwar bit-tvenvin tar-riħ bdejt nemmen

Fi kliemek ma jaqtax u ma kull bewsa

Ħassejtni qisni anġli jtir fis-sema,

Sakemm sparawli.

Bdejt ngħum fuq biċċa għuda mal-kurrenti,

Għajnejja mitlufin fic-ċpar tax-xefaq

Fejn l-infinit fetaħli l-bibien beraħ;

Komplejt nitbiegħed.

Alfred Grech

03-04 2014