U meta se taqbeż?

U meta se taqbeż?

Int għadek trid issib il-pjattoforma

Minn fejn lil-mewt ġo wiċċha tibda tħares

Turini kemm sirt taf, kemm int ta’ ħila

Li tħares f’wiċċ il-mewt u lanqas tibża’.

Imm’int qed tħares f’wiċċ il-baħħ,

Mintix qed tara

Ix-xifer ma qbistux

Bħall-iblaħ  li jittarraf.

Aqbeż, meta ser taqbeż?

L-udjenza qed tistenna,

Jew għadek trid tixxabbat xi ftit ieħor

Ma blat żellieq?

Qed tfittex l-ogħla niċċa nkella toqba

Mnejn tħares f’wiċċ il-mewt.

Jew din hi messa in scena

Biex tara kif ser jgħaddi l-ħin

U lili tiġi tgħidli

Li ma kien xejn u kollox għattaparsi.

Alfred Grech

04/08/2014